Жогорку Кеңештин депутаттары Баткен облусуна кетишти

 Жогорку Кеңештин депутаттары Баткен облусуна кетишти

Жогорку Кеңештин депутаттары Баткен облусуна кетишти. Алар чек ара жаңжалында жабыркаган жергиликтүү тургундар менен жолугушууларды өткөрөт. Мындай чечим бүгүн, 22-сентябрдагы парламенттин жыйынында кабыл алынды.

Белгилесек, бүгүн эл өкүлдөрү мамлекеттик чек аранын кыргыз-тажик тилкесиндеги кырдаал тууралуу министрлер кабинетинин маалыматын жабык эшик артында укту.

Жыйында УКМК төрагасы Камчыбек Ташиев жана коргоо министри Бактыбек Бекболотов депутаттарга чек арадагы абал тууралуу маалымат берген.

14-17-сентябрдагы кыргыз-тажик чек арасындагы куралдуу жаңжалдан улам жараат алгандардын саны 185ке жетип, 59 жаран мерт кетти.

Куралдуу кагылышууда 432 турак жай талкаланганын Өзгөчө кырдаалдар министрлигинин өкүлү Ырысбек Жолдошбаев билдирди.

Сүрөт: Акипресс кж сайтынан алынды

Жанылыктар