Жалал-Абадда эки киши аттракциондон кулап түштү
Жалал-Абадда аттракциондон эки адам кулап кетти. Маалыматты облустук ички иштер башкармалыгынын басма сөз кызматы тастыктады.
Анын айтымында, окуя 16-апрель күнү саат 23.55тер чамасында Жеңиш паркында болгон. 25 жаштагы бала менен 18 жаштагы кыз «Клоун» аттракционуна чыгып, бирок сынган отургучтан кулап кетишкен.
Милиция кырсыктын чоо-жайын иликтеп жатат. Жабырлануучулар Жалал-Абад облустук ооруканасына жаткырылган.
Маалым болгондой, кыз оор абалда реанимацияда, сыныктары бар жигит травматологияда жатат.
