Улуттук банк кезектеги интервенцияны жасады
Кечээ, 27-декабрда Улуттук банк валюта рыногуна 69 миллион 950 миң доллар сатты. Бул тууралуу банктын расмий сайтында маалымдалды.
Башкы банк буга чейин 23-ноябрда валюта базарына ири интервенция жасап, 70 млн 300 миң доллар саткан. Андан соң 7-декабрда, валюта рыногуна 71,3 миллион доллар сатты.
Эске салсак, бул — жыл башынан бери жасалган он бешинчи интервенция. Жалпы 702 миллион 950 миң доллар сатылды.
