Тажикстан иран дрондорун Россияга жеткирип жатканы тууралуу маалыматты четке какты

 Тажикстан иран дрондорун Россияга жеткирип жатканы тууралуу маалыматты четке какты

Тажикстандын Тышкы иштер министрлиги украиналык журналист жана блогер Дмитрий Гордондун Тажикстан Россияга Украинанын айыл-шаарларына чабуул жасоо үчүн сокку уруучу дрондорду берип жатканы жөнүндө айтканын четке какты.

Аталган министрликтин  30-октябрда жарыялаган билдирүүсүндө “Украин блогери Дмитрий Гордондун 2022-жылдын 28-октябрдагы “В гостях у Гордона” онлайн-берүүсү учурунда Тажикстан аймагында Ирандын украиналыктарды өлтүргөн дрондору өндүрүлүп жатканы тууралуу сөзүн четке кагабыз. Тажикстан Республикасы аскердик техниканы үчүнчү өлкөгө экспорттобой турганын белгилейбиз”, деп айтылган.

Быйыл майда ЖМКларда Иран Тажикстанда Ababil-2 учкучсуз учактарын чыгаруу боюнча завод ачканы кабарланган.

Анда Ирандын Башкы штабы объектинин ачылыш аземине штабдын башчысы Мохаммад Бакири менен Тажикстандын коргоо министри Шерали Мирзо катышканын маалымдаган.

Бирок Россия Ирандан “Шахед” жана “Мохажер” дрондорун сатып алып жатканы айтылууда.

 

Нуржамал Баргыбаева

https://oshtv.kg/

Жанылыктар