Ташиев: “Баткендеги чек араны карагыла. Коңшу өлкөгө 1 кг ун же кумшекер өткөрбөгүлө”

 Ташиев: “Баткендеги чек араны карагыла. Коңшу өлкөгө 1 кг ун же кумшекер өткөрбөгүлө”

Бүгүн, 24-мартта Министрлер кабинетинин антикризистик планы талкууланган жыйын өтүп жатат.

Анда УКМКнын төрагасы Камчыбек Ташиев Баткен аркылуу коңшу өлкөлөр Кыргызстандан аткезчилик жолу менен негизги тамак-аш азыктарын ташып кетүүгө аракеттер болуп жатканын билдирди.

Ал коңшу өлкөдө ун менен кумшекер 1,5 эсе кымбат, ал эми өсүмдүк майы жок калганын белгилеп, Бажы кызматынын түштүк аймагы боюнча бөлүмүнүн аткезчиликке каршы иши өтө начар болуп жаткана токтолду:

Бажы кызматы, Ички иштер министрлиги, Улуттук коопсуздук боюнча мамлекеттик комитет жана Салык кызматы биргелешип Баткендеги чек араны карагыла. Бардык азык-түлүктү азыр насос менен сордургансып чыгарып кетип жатышат. Чек арага чеп болуп туруп, бир да килограмм май, ун, кумшекер өткөрбөгүлө. Бул негизги максат”.

Жанылыктар