Түркияда жер титирөө катталып, кеминде эки киши жаракат алды
Түркияда күчү 5,6га жеткен жер титирөө катталды. Бул туурасында “Анадолу” агенттиги жазды.
Жер силкинүү бүгүн, 27-февралда саат 12:04төр чамасында Малатья провинциясынын Ешилюрт районунда катталган.
Акыркы маалыматтарга караганда, зилзаладан кеминде эки киши жаракат алды.
6-февралда Түркия менен Сирия чектешкен аймакта күчү 7,5-7,8 баллга жеткен жер титирөөдөн каза болгондордун жалпы саны 50 миңге чамалады. Зилзаладан кыргызстандык бир жаран набыт болгон.
