Самаркандда Жапаров менен Рахмон чек арадагы кырдаалды талкуулашты

 Самаркандда Жапаров менен Рахмон чек арадагы кырдаалды талкуулашты

Кыргызстандын президенти Садыр Жапаров бүгүн, 16-сентябрда Самарканд шаарында Тажикстандын президенти Эмомали Рахмон менен жолукту. Бул тууралуу президенттин басма сөз кызматынан кабарлашты.

Маалыматка ылайык, тараптар мамлекеттик чек аранын кыргыз-тажик тилкесиндеги кырдаалды талкуулашты.

Эки өлкөнүн лидерлери тийиштүү түзүмдөргө ок атышууну токтотуу жана ок атышуу линиясынан куралдуу күчтөрдү жана каражаттарды чыгаруу боюнча тапшырма берүүнү макулдашты.

Министрлер кабинетинин төрагасынын орун басары — КР УКМК төрагасы Камчыбек Ташиев жана ТР мамлекеттик коопсуздук министри Саймумин Ятимов жеринде иштеп, окуянын жагдайларын жана себептерин иликтөө үчүн комиссия түзүлөт.

Ошондой эле, мамлекеттик чек араны делимитациялоо жана демаркациялоо боюнча Кыргызстан менен Тажикстандын өкмөттөр аралык комиссиясынын ишин тездетүү боюнча макулдашуу жетишилди.

Жанылыктар