“Росатом” Кыргызстанда курулуучу атомдук станциянын негиздемесин даярдайт

 “Росатом” Кыргызстанда курулуучу атомдук станциянын негиздемесин даярдайт

Кыргызстандын Энергетика министрлиги жана Россиянын “Русатом Энержи Прожект” акционердик коому (“Росатом”) менен кызматташуусу жөнүндө документке кол коюшту. Бул тууралуу министрликтен кабарлашты.

Макулдашууга ылайык, “Росатом” Кыргызстандын аймагында курулуучу чакан атомдук станциянын техникалык-экономикалык негиздемесин даярдайт. Сочиде өткөн “АТОМЭКСПО-2022” эл аралык форумунда документке энергетика министри Таалайбек Ибраев менен “Росатомдун” өкүлү Андрей Рождествин кол койгон.

Жыл башында Энергетика министрлиги Россиянын “Росатом” корпорациясы менен биргеликте Кыргызстанда чакан атом электр станциясын куруу боюнча меморандумга кол койгону белгилүү болгон. Азырынча курулуш жөнүндө кенен маалымат бериле элек.

Нуржамал Баргыбаева

https://oshtv.kg/

Жанылыктар