Президент Садыр Жапаров иш сапары менен Кытайга учуп кетти

Президент Садыр Жапаров бүгүн, 3-февралда, Кытай Эл Республикасынын (КЭР) Пекин шаарына иш сапары менен учуп кетти. Бул тууралуу президенттин аппаратынан билдирди. 

Маалыматка ылайык, сапардын алкагында Президент Садыр Жапаров Кышкы Олимпиада – 2022 оюндарынын ачылыш аземине катышып, КЭР Төрагасы Си Цзиньпин менен жолугушат. Жолугушууда саясий, соода-экономикалык жана маданий-гуманитардык кызматташуунун актуалдуу маселелери талкууланат.

Кыргыз Республикасынын делегациясынын курамында:

– Тышкы иштер министри Руслан Казакбаев;

– Президенттин администрациясынын тышкы саясат бөлүмүнүн башчысы Жээнбек Кулубаев;

– Кыргыз Республикасынын Кытай Эл Республикасындагы Атайын жана Ыйгарым укуктуу Элчиси Канайым Бактыгулова;

– Экономика жана коммерция министри Данияр Амангелдиев;

– Транспорт жана коммуникациялар министри Эркинбек Осоев.