Ошто «Ээлүү» аталышындагы заманбап искусство көргөзмө өтүп жатат

 20 — февралдан 1- мартына чейин Ош облустук Т.Садыков атындагы Көркөм сүрөт музейинде философ,  дизайнер жана арт менеджер Миррахим Опоштун, «БАШАТ» стипендиялык программасынын алкагында, көркөм образдар коюлган «ЭЭЛҮҮ » аталышындагы  жеке көргөзмөсү өтүүдө.  

Көргөзмөдө, Миррахим Опош  — кыргыз элинин дүйнөгө көз карашынын, руханий маданиятынын жана салттуу маданиятынын элементтерин тогуз көркөм образ жана инсталляция аркылуу чагылдырат.

Көргөзмөнүн максаты — киши заты менен Жер эненин (табияттын) руханий тыгыз байланышына жана азыркы экологиялык көйгөлөргө коомчулуктун көңүлүн буруу, климаттык өзгөрүүлөрдүн жакшы нукта чечүлүүсүнө өбөлгө болуу.  Ата — бабалардын мурасын сактоо жана жайылтуу болуп саналат.

Көргөзмө «Арга Билиг » фондусунун, «Түптүү элдердин аксакалдар кеңешинин » жана Элетти Өнүктүрүү Фондунун (RDF) колдоосуна уюштурулуп жатат.