Ош шаарында мамлекеттик туу күнү белгиленди
Ош шаарынын борбордук аянтында мамлекеттик туу күнүнө арналган салтанаттуу иш-чара өттү.
Анын алкагында Ош гарнизонунун аскер кызматкерлери тарабынан борбордук аянтка 15 метрлик туу алынып келинип, гимн аткарылган учурда туу көтөрүлдү.
Иш-чарага Ош шаарынын мэринин биринчи орун басары Марс Исаев баштаган жергиликтүү бийлик өкүлдөрү, легендарлуу парламенттин депутаттары, шаардык кеңештин депутаттары, тургундар, аскер кызматкерлери жана активисттер катышты.
Белгилесек, мамлекеттик туу 1992-жылдын 3-мартында бекитилген. Авторлору: Э.Айдарбеков, Б.Жайчыбеков, С.Иптаров, Ж.Матаев, М.Сыдыков. Мамлекеттик туунун ортосуна кырк нуру тегиз чачыраган алтын түстөгү күн алкагынын, күн алкагынын ичине кыргыз боз үйүнүн кызыл түстөгү түндүгүнүн сүрөтү түшүрүлгөн тик бурчтуу кызыл кездемеден жасалган.
