Орусияда бензиндин баасы төмөндөй баштады
Орусиянын айрым облустарында бензин арзандай баштады. Ага күйүүчү майдын дүң баасынын төмөндөшү себеп болууда. Бул тууралуу жергиликтүү маалымат каражаттары жазды.
«Февралдын аягынан бери Санкт-Петербургдун Товардык-чийки заттык биржасында АИ-92 үлгүсүндөгү бензиндин баасы 24,5%га арзандап, тоннасы 36 миң 880 рублди, АИ-95 22%га арзандап, тоннасы 180 рублди түздү», — деп айтылат билдирүүдө.
ЖМКлар баанын төмөндөшү өзгөчө биржада бензинди соодагерлер аркылуу же түз сатып алган көз карандысыз тармактарда байкалып жатканын белгилешти.
«Тактап айтканда, 1-марттан 5-мартка чейин күйүүчү майдын баасы Нижний Новгород, Сыктывкар, Салехард, Иркутск облустарында жана Приморск крайында арзандады», — деп жазды басылмалар.
Бирок бул арзандоолор Москвага таасирин тийгизбейт, ал жерде баалар баштапкы калыбында калууда.
