Новосибирскте газдын жарылуусунан кыргызстандык аял каза болду

Орусиянын Новосибирск шаарында жарылуудан жабыркаган кыргызстандык аял ооруканада каза болду. Бул тууралуу тышкы иштер министрлигинен билдирди. 

Маалыматка ылайык, 24-февралда оор абалдагы аял Бердск шаардык ооруканасынын реанимация бөлүмүнө которулган. Дарыгерлердин аракетине карабай бейтап каза болгон.

Каза болгон жарандын сөөгү Новосибирск шаарынан  Ош шаарына Сибирь  (S7)  авиакомпаниясынын  рейси менен жөнөтүлгөн.