Эл аралык террористтик уюмдун шериктеши кармалды
Ушул жылдын 15-февралында Жалал-Абад облусунда эл аралык террористтик уюмдун издөөдө жүргөн шериги — Сузак районунун 1976-жылы туулган Р.К.А. кармалды.
Бул туурасында УКМКдан билдиришти.
Кылмышка шектүү эл аралык террористтик уюмдун мүчөлөрүнө Калашников (АК-74) жана гранатомет саткандыгы аныкталды.
“Ал куралдар менен кийинчерек Бишкек шаарынын аймагында террордук актыларды уюштуруу пландалган, бирок ал каражаттар өз убагында УКМК тарабынан жок кылынган”,-деп айтылат маалыматта.
Шектүү убактылуу кармоочу жайга киргизилди. Учурда тергөө иштери улантылып жатат.
