ИИМ: Оор кылмыш боюнча издөөдө жүргөн Өзбекстандын жараны кармалды

 ИИМ: Оор кылмыш боюнча издөөдө жүргөн Өзбекстандын жараны кармалды

Оор кылмышты жасагандыгы үчүн издөө жүргөн Өзбекстандын жараны кармалды. Бул тууралуу ички иштер министрлигинин басма сөз кызматынан билдирди. 

Маалыматка ылайык, Өзбекстандын жараны 1999-жылы туулган Б.С. мамлекеттер аралык издөөдө жүргөн. 2022-жылы Өзбекстандын Фергана облусунун ички иштер блашкармалыгы Өзбекстандын Кылмыш-жаза кодексинин 97-беренесинин 1-бөлүмү (Атайылап өлтүрүү) боюнча ага издөө жарыялаган. Алынган маалымат боюнча 2020-жылдын февраль айында пикир келишпестиктен улам жергиликтүү тургунга бычактан жаракат келтирип, анын натыйжасында жабырлануучу алган жаракатынан улам каза болгон.

Аныкталгандай, шектүү оор кылмыш ишин жасагандан кийин, изин жашырып Кыргызстандын аймагына качып кеткен. ИИМдин Кылмыш иликтөө башкы башкармалыгынын кызматкерлери Чүй облусунун аймагында ыкчам-иликтөө иш-чараларын жүргүзүшүп, Өзбекстандын жаранын кармашты. Кармалган жаран Бишкек ШИИББдин убактылуу кармоочу жайына киргизилди.

Жанылыктар