COVID-19: Жаңы 1290 учур аныкталды, 10 бейтап көз жумду.

0
259

Бүгүн,15-июлга карата коронавирус дагы 1 миң 290 адамдан аныкталды. Бул тууралуу саламаттык сактоо жана социалдык өнүктүрүү министринин орун басары Жалалидин Рахматуллаев брифинг учурунда билдирди.

Жаңы учурлар: Бишкек шаарында – 726, Ош шаарында – 53, Чүй облусунда – 176, Ош облусунда – 72, Талас облусунда – 19, Нарын облусунда – 18, Ысык-Көл облусунда – 56, Жалал-Абад облусунда – 55, Баткен облусунда – 115 адамдан илдет табылган.

Сутка ичинде COVID-19 илдетинен Бишкекте 6, Чүй облусунда 3, Жалал-Абад облусунда бир бейтап каза болгон.

Ал эми бир суткада 1 миң 29 адам илдеттен сакайды, анын ичинде Бишкек шаарында – 575, Ош шаарында – 96, Чүй облусунда – 130, Ош облусунда – 40, Талас облусунда – 18, Нарын облусунда – 3, Ысык-Көл облусунда – 23, Жалал-Абад облусунда – 66, Баткен облусунда – 78 бейтап айыгып чыкты.

Бүгүнкү күндө стационарларда коронавирустан 4 миң 813 бейтап бар. Алардын ичинен:  62 (1,2%) адам канааттандырарлык абалда,  3123 (64,8%) адам орто оор, 1411 (29,3%) адам оор жана 217 (4,5%) адам өтө оор абалда жатат. Мындан сырткары амбулатордук түрдө 15 миң 57 адам дарыланууда.

Бир сутка ичинде өлкө боюнча 40 медициналык кызматкер коронавирус жуктуруп алганы аныкталды. Пандемия башталгандан бери 6 миң 52 медицина кызматкери коронавирус жуктуруп алган, алардын ичинен 5 миң 257 медкызматкер айыгып чыкты.

Кыргызстанда пандемия башталгандан бери 144 миң 958 адам коронавирус жуктурган. Алардын ичинен 121 миң 760 киши айыгып чыкса, 2 миң 143 адам каза болду.