Чек ара жаңжалында дайынсыз жоголгон аскерге таандык делген сөөктүн ДНК анализи чыкты

 Чек ара жаңжалында дайынсыз жоголгон аскерге таандык делген сөөктүн ДНК анализи чыкты

Кыргыз-тажик чек ара жаңжалында дайынсыз жоголгон лейтенант Дастан Анарбековго таандык болушу мүмкүн делген сөөктүн ДНК-тесттин жыйынтыгы чыкты. Бул тууралуу Анарбековдун апасы Сауле Иманалиева билдирди.

Генетикалык-экспертизанын жыйынтыгына ылайык, Дастан Анарбековдун каза болгону аныкталды.

Бирок, апасы экспертизанын корутундусаны макул эмес.

«Генетикалык текшерүү үчүн биологиялык материалдын үлгүлөрүн алуу туура эмес өткөн. 21-сентябрда атасынан кан алынган, 6-октябрда текшерүүгө жөнөтүлгөн. (канды сактоо мөөнөтү 3 күндөн ашпоо керек). Ошондой эле митохондриялык ДНК энеден алынат, бирок менден алышкан эмес. Мындан тышкары, анализдин конвертин  ачуунун жол-жобосу сакталган эмес. Тагыраагы, конверт ачык болгон»,-деди Иманалиева.

Каза болду делген аскердин апасы көз карандысыз экспертиза жасатарын жана уулу Тажикстанда жүргөндүгү тууралуу маалыматтар бар экенин кошумчалалды.

Белгилесек, чек ара жаңжалынан улам Дастан Анарбеков дайынсыз болуп жаткан.

 

Нуржамал Баргыбаева

https://oshtv.kg/

Жанылыктар