Чүйдө электр тармагынын кызматкери пара алып жаткан жеринен кармалды

 Чүйдө электр тармагынын кызматкери пара алып жаткан жеринен кармалды

Чүй облусунун Панфилов райондук электр тармагынын (РЭТ) кызматкери пара алып жаткан жеринен кармалды. Бул тууралуу улуттук коопсуздук мамлекеттик комитетинен билдирди. 

Маалыматка ылайык, УКМК тарабынан Чүй облусунун энергетика тармагындагы коррупцияга каршы күрөшүү боюнча жүргүзүлгөн иш-чаралардын  алкагында Панфилов Райондук электр тармактары (РЭТ) ага инспектору кармалган.

“Буга чейин Панфилов районунун аймагындагы жеке жана юридикалык жактарга Панфилов РЭТинин кызматкерлери «Түндүк электр» ААКнын кызматкерлери менен биргеликте электр энергиясын эсептегичсиз пайдалануу (тармактардагы электр энергиясын уурдоо) боюнча текшерүү иштерин жүргүзүшүп, анын натыйжасында электр энергиясын пайдалануу боюнча аныкталган мыйзам бузуу фактысын жашыруу үчүн РЭТтин жооптуу кызматкерлери КР Н.К. аттуу жарандан 97 000 сом өлчөмүндө акча каражатын талап кылышкан”,- деп айтылат маалыматта.

Факт Кылмыш-жаза кодексинин 343-беренесинин 1-бөлүгүндө  каралган Опузалап пара алуу фактысы боюнча кылмыштардын бирдиктүү реестрине катталган.

Жүргүзүлгөн ыкчам-иликтөө иш-чараларынын алкагында 2022-жылдын 7-мартында Панфилов районунун аймагында 50 миң сом өлчөмүндө пара алып жаткан жеринен Панфилов РЭТинин ага инспектору К.Ж.К. кармалды.

Кармалган жаран КР УКМК тергөө камак жайынын убактылуу кармоочу жайына киргизилип, тиешелүү тергөө-ыкчам иш-чаралары жүргүзүлүүдө.

Жанылыктар