Бишкекке Хабиб Нурмагомедов менен Хасбулла келди
UFCнин мурунку чемпиону Хабиб Нурмагомедов менен «Хасбик» деген каймана ат менен белгилүү болгон блогер Хасбулла Магомедов Кыргызстанга келишти. Бул тууралуу Хабиб социалдык тармактагы баракчасына жазып, сүрөт жүктөгөн.
Мушкер 10-август күнү Бишкекте өтө турган Нурмагомедовдун уюму аталган EFC уюштуруп жаткан турнирге келген. Беттеш Бишкек Аренада аралаш мушташ (ММА) боюнча болот. Анда кыргыз мушкери Бусурманкул Абдибаит уулу орусиялык Расул Магомедов менен беттешип, чемпиондук наамын коргойт.
