Баткенге контейнер үйлөр жөнөтүлө баштады

 Баткенге  контейнер үйлөр жөнөтүлө баштады

Бишкек мэриясы Баткенде чек арадагы коогадан кийин үй-жайынан айрылган тургундарга  убактылуу жашай турганга контейнер үйлөрдү жасап жөнөтө баштады. Бул ишкерлердин жардамында ишке ашып жатат.  Шаар башкармалыгынын  маалыматына караганда, темир контейнерлердин ичинде убактылуу тиричилик көрүүгө тийиштүү шарт түзүлгөн.

Алгачкы 16 үй Баткенге жөнөтүлдү, жакында дагы 12си барат. Жалпысынан 50нү даярдап жөнөтүү пландалууда.Быйыл 16-17-сентябрда кыргыз-тажик чек арасында кан төгүлгөн окуяны Кыргызстандын Тышкы иштер министрлиги “Тажикстандын алдын ала пландаган куралдуу агрессиясы” деп атаган. Дүйшөмбү кайра Бишкекти күнөөлөгөн.Кыргызстан кол салуудан бери дегенде 63 жаранынан айрылды, алардын кыркы аскер кызматкери. Жараат алгандардын расмий эсеби 200гө жакындады. Жалпысынан 136 770 адам эвакуация болгон, алардын 6 миңдейи бүгүнкү күндөрдө атайын жайларда жа башкалардын үйүндө жашап жатышат.

 

Жанылыктар