Баткен: Милициянын үйүнөн Кыргызстанга мыйзамсыз келгендер табылды

 Баткен: Милициянын үйүнөн Кыргызстанга мыйзамсыз келгендер табылды

Баткен облусунун Лейлек райондук ички иштер башкармалыгынын жетекчилеринин биринин үйүнөн Кыргызстанга мыйзамсыз келген коңшу мамлекеттин 3 жараны табылды. Бул тууралуу УКМКдан билдирди.

Анда Кылмыш-жаза кодексинин 378-беренесинин (Кыргыз Республикасынын мамлекеттик чек арасын мыйзамсыз кесип өтүү) негизинде козголгон кылмыш ишинин алкагында, Лейлек райондук ИИБ жетекчилеринин бири У.Ж.Н. үйүндө тинтүү жүргүзүлгөн.

«Өз кезегинде кармалгандар Кыргыз Республикасынын мамлекеттик чек арасын мыйзамсыз кесип өткөндүгүн билип, кылмыш иштерин токтотуунун ордуна У.Ж.Н. аларга жашоосу жана мыйзамсыз эмгек ишмердүүлүгүн жүргүзүүсү үчүн шарттарды түзгөн»,-деп жазылат маалыматта.

Учурда окуянын бардык жагдайларын аныктоо боюнча иликтөө иштери жүрүп жатат.

Жанылыктар