Бүгүн футбол боюнча Кыргызстан менен Тажикстан беттешет
Бүгүн, 29-мартта Navruz Cup -эл аралык мелдешинин алкагында Кыргызстандын футбол боюнча курамасы Тажикстандын командасы менен оюн өткөрөт. Бул тууралуу Кыргыз футбол бирикмесинен билдиришти.
Оюн Бишкек убактысы боюнча саат 16:30да башталат. Эки команда тең Navruz Cup 2022 мелдешинин үчүнчү оруну үчүн таймашат.
Турнир 25-29-март күндөрү Наманган шаарында өтүп, ага Кыргызстандан тышкары Өзбекстан, Тажикстан жана Уганданын командалары катышууда.
Кыргызстандын курама командасы мелдештин жарым финалында Өзбекстандын оюнчулары менен беттешип, 3:1 эсебинде утулуп калган. Ал эми Уганда Тажикстанды 5:4 эсебинде уткан.
Оюндан түз берүү Kyrgyz Sport TV жана КТРК Спорт каналдары аркылуу болот.
Белгилей кетсек, мелдештин жобосуна ылайык, командалар плей-офф баскычында кез келип, жарым финалдык беттештер ойнолот. Жеңген командалар финалда, жеңилгендер үчүнчү орун үчүн беттеште кез келишет.
