Алмазбек Бейшеналиев 12 жылдык окуу боюнча түшүндүрмө берди

Анын айтымында, бул аракеттер дүйнөлүк стандартка ылайык келтирүү максатында жүргүзүлүп жатат.

«Эми бала 7 жашынан эмес, 6 жашынан милдеттүү түрдө 1-класска аттанып, 0-класс (даярдоо классы) деген жоюлат. Ошондо бала жылдан утулбайт. Дүйнөлүк стандартка ылайык болобуз» , — деп айтылат министрдин «Фейсбуктагы» билдирүүсүндө.

Бейшеналиев буга чейин билим берүү тармагында бир катар реформалар жасала тургандыгын жарыялаган. Алардын катарында дүйнөнүн 136 өлкөсүндөгүдөй 12 жылдык окуу программасын киргүзүү каралып жатканы айтылган.