Алмазбек Атамбаев башка колонияга которулду
Экс-президент Алмазбек Атамбаев бүгүн Молдовановка айылындагы No27 түзөтүү колониясына которулду. Бул тууралуу Жаза аткаруу кызматынын басма сөз кызматы билдирди.
Экс-президент Бишкектеги No47 колонияда жазасын өтөп жатканы такталган. Алмазбек Атамбаевдин которулушунун бирден бир себеби түзөтүү абагынын жоюлушу.
«Мындан тышкары, Алмазбек Атамбаевди өткөрүп берүүгө соттун мыйзамдуу күчүнө кирген өкүмү негиз болуп саналат. Соттолгондор жазасын түзөтүү колонияларында өтөшү керек. Мурдагы президент анын кылмыш иштери боюнча соттук отурумдардын төрагаларынын чечими менен сотко өткөрүлөт», — деп билдирди маалымат кызматы.
Алмазбек Атамбаевге бир нече кылмыш иши козголгон, анын ичинде 2019-жылдын 7-8-августунда Кой-Таш айылында болгон башаламандык, коррупция фактылары боюнча. Былтыр жайында ага түрк жарандарына мыйзамсыз паспорт бергендиги, ошондой эле 2020-жылдын октябрында массалык башаламандык уюштурган деген айып тагылган.
