Ахматбек Келдибеков июнь окуясы боюнча сурак берип чыкты

Келдибеков 2010-жылдагы июнь окуясы боюнча көрсөтмө берди.

«Июнь коогасына байланыштуу күбө катары Башкы прокуратурага сурак берип чыктым. Биз келечекте мамлекетти экиге бөлгүсү келген, канча адамдардын канына забын болгон мындай окуялар кайталанбашы керек десек, анда бул кандуу калабага кечиктирбей мыйзам чегинде баа беришибиз зарыл», — деп жазды Келдибеков.

Акматбек Келдибеков финансы министри, социалдык фонддун төрагасы, Жогорку Кеңештин депутаты, мамлекеттик салык кызматынын төрагасы, Жогорку Кеңештин төрагасы сыяктуу бир катар жооптуу кызматтарды аркалаган.