Бишкекте карыяны сабаган жаран кармалды

0
217

Жаңы жыл түнү Бишкек шаарында 66 жаштагы жаранды өлтүрө сабаган адам кармалды. Бул тууралуу Свердлов РИИБдин маалымат кызматы билдирди.
Маалыматка ылайык, 1-январь күнү Бишкектеги травматология жана ортопедия илимий-изилдөө борборуна оор абалда түшкөн. Ал токмоктон алган жаратынан улам каза болгон.
Милиция кызматкерлери тарабынан шектүү катары 1977-жылы туулган З.К. аттуу жаран кармалып, Бишкек ШИИБдин убактылуу кармоочу жайына киргизилди.
Бул факт Жазык кодексиндеги 138-берене (ден соолукка оор зыян келтирүү) боюнча Кылмыштар жана жоруктардын бирдиктүү реестрине катталган.
Учурда тергөө иштери жүрүп жатат.

Булак: fakt.kg