К. Зулушев: Референдум өткөрүп, башкаруу системасын тандап алышыбыз керек

0
72
Быйыл парламенттик шайлоо менен катар Кыргызстанда мамлекеттик башкаруу формасы боюнча референдум өткөрүү сунушу берилгени жатат. Бул тууралуу бүгүн Жогорку Кеңештин депутаты Курманкул Зулушев билдирди.

Депутат бул сунушун жакын арада коомдук талкууга коерун айтты.

Анын белгилешинче, референдумга Кыргызстанга башкаруунун кандай түрү, парламенттикпи же президенттикпи деген маанидеги суроо коюлат:

— Башкарууну эл тандашы керек. Референдум өткөрүү боюнча коомдук талкууга коем. Биз шайлоо өтүп жаткандан пайдаланып, элдин оюн билишибиз керек. Мен муну ойлоп тапкан жокмун, көпчүлүк “Баш мыйзам элдин ою менен жазылган эмес” деген көз карашта болууда. Мени президенттик башкарууну колдоп жатат деп ойлобогула, түпкүрүмдө мен парламенттик башкарууну колдойм.

Кыргызстанда 2010-жылы бийлик алмашканда элдик референдум аркылуу Конституция өзгөртүлүп, парламенттик башкаруу формасы тандалган. Бирок иш жүзүндө өлкө президенттик башкарууда деген пикирлер бар.

Быйыл күзүндө Кыргызстанда кезектеги парламенттик шайлоо өтөт.

Булак: «Азаттык» басылмасы.