Ошко экзотикалык жаныбарлар келди, көчмө зоопарк декабрга чейин гана турат

0
470
Ош шаарына биринчи жолу Бразилиянын экзотикалык жаныбарлары келди. Көчмө зоопарк «Нур» кинотеатрынын экинчи кабатында декабрга чейин турат. 

Анда буга чейин Ошто кезикпеген маймыл, жылан, попугай, коён баштаган жерде-чөлдө, бакта жашоочу жаныбарлардын бир нече түрү бар. Экзотикалык жаныбарларды жеке ишкер Тилек Досумбеков алып келген.

«-Жаш балдардын дүйнө таанымын өстүрүү үчүн, сүрөттөн, кино тасмаларынан гана көргөн жаныбарларды жанынан көрсөтүү аларга чоң таасирин берет. Биздин өлкөдө бул жаныбарлар жок болгондуктан балдарга абдан кызыктуу болууда«-дейт зоопарктын ээси.

Экзопаркка кирүү 3 жашка чейинкилер үчүн акысыз, ал эми чоңдорго 100 сомдон башталат.

Эскерте кетсек зоопарк Ош шаарынан кийин борбор калаа Бишкекте болот. Андан соң өлкөнүн 7 облусун кыдыруу планы бар экендигин айтты.