Телерадиокомпания

1-декабрдан тарта Кыргызстан менен Россиянын ортосундагы аба каттамдары көбөйөт

 1-декабрдан тарта Кыргызстан менен Россиянын ортосундагы аба каттамдары көбөйөт

Үстүбүздөгү жылдын 1-декабрынан тартып Кыргызстан менен Россиянын ортосундагы аба каттамдары көбөйөт. Бул тууралуу Москва шаарына жумушчу сапары менен барган КР министрлер кабинетинин төрагасы Акылбек Жапаровдун Россия Федерациясынын өкмөтүнүн төрагасы Михаил Мишустин менен болгон жолугушуусунда маалым болду.

«Жапаров россиялык тарапка үстүбүздөгү жылдын 1-декабрынан тарта эки өлкөнүн ортосундагы үзгүлтүксүз каттамдардын санын жогорулатуу тууралуу кабыл алынган чечими жана россиялык «Спутник Лайт» вакцинасынын 200 миң дозасы түрүндөгү гуманитардык жардамдын жеткирилиши үчүн ыраазычылык билдирди», – деп айтылат министрлер кабинетинин басма сөз кызматы тараткан билдирүүдө.

Акылбек Жапаров жана Михаил Мишустин салыктык жана бажылык башкаруу системасын санариптештирүүнү, анын ичинде салык жана бажы процедураларын фискалдаштыруу маселелерин талкуулап, Кыргызстанда заманбап маалыматтарды иштеп чыгуу борборун түзүү зарылдыгын белгиледи.

Жанылыктар