№7 Ош округунан талапкер Бекболот Арзибаев каржы иштерине байланыштуу кармалды
№7 Ош округунан Жогорку Кеңештин депутаттыгына талапкер Бекболот Арзибаевдин шайлоо мыйзамын бузганы аныкталды. Бул тууралуу Улуттук коопсуздук мамлекеттик комитети билдирди.
Айтылган факты боюнча түшүндүрмө берүүчү үчүн талапкер кечээ, 25-ноябрда УКМКнын Ош облустук бөлүмүнө суракка чакыртылган.
Такталгандай, Бекболот Арзибаев үгүт өнөктүгү маалында өзүнүн ишенимдүү адамдарын жана үгүтчүлөрүн шайлоо фондунан тышкаркы акчадан каржылаган.
Учурда тергөө-иликтөө жүрүп жатат.
Кыргызстанда парламенттик шайлоо 28-ноябрда болот. Жогорку Кеңештеги 90 орунга партиялардан 54, бир мандаттуу округдардан 36 депутат шайланат.
