Өзбекстандын жарандары Оштогу такси айдоочуларынын айынан кыргыз бийлигине кайрылды

 Өзбекстандын  жарандары Оштогу такси айдоочуларынын айынан кыргыз бийлигине кайрылды

Өзбекстандын айрым жарандары Оштогу такси айдоочуларынын айынан кыргыз бийлигине кайрылып, алардын өкүмзордугуна даттанышты.

Телеграм каналдарга 2-августта жарыяланган кайрылууда Орусиядан Ош эл аралык аэрпортуна учуп, андан ары Өзбекстанга кетүүнү көздөгөн жарандарды аэропорттогу такси айдоочулары зордоп автоунаасына салып, чек арага чейинки 5-6 чакырым жерге ар бир кишиден 500 сомдон алып жатканы айтылат.Буга чейин да “Азаттыкка” өзбекстандык жарандар кайрылып, кээ бирлери 5000 сомдой акчасын таксиге төлөгөнгө мажбур болушканын билдиришкен. Бул маселе Твиттер жана башка социалдык түйүндөрдө талкууланууда.Ош облустук Ички иштер башкармалыгынын басма сөз катчысы Жеңиш Аширбаев таксилер менен байланышкан маселе үч жылдан бери көйгөй жаратып келатканын “Азаттыкка” билдирди. Анын айтымында, быйыл январдан бери социалдык тармактар аркылуу 15 кайрылуу түшкөн.”Интернеттен кайрылган чет өлкөлүк жарандар такси айдоочуларынын жоругун юридикалык жактан тастыктай турган фактыларды беришпейт. Мыйзам боюнча юридикалык жактан далилденбегендиктен, куру сөз катары кабыл алынат. Ошондуктан, түшүндүрүү иштери менен гана чектелип калабыз”, – деген Аширбаев андай көйгөйгө кабылгандар дароо милиция чакырышы керектигин белгиледи.

Жанылыктар